پاکستان میں کرونا وائرس کے مریضوں کی تعداد 136 ہوگئی


پاکستان میں ایک ہی دن میں کرونا وائرس کے مزید 91 کیسز کی تصدیق ہوگئی۔ سندھ میں 76 افراد کے ٹیسٹ مثبت آئے ہیں جبکہ خیبرپختونخوا میں بھی یکدم 15 کیسز رپورٹ ہوگئے۔ ملک بھر میں تعداد 136 تک پہنچ گئی۔
سندھ کے محکمہ صحت کے حکام کے مطابق 103 میں سے 26 کراچی، ایک حیدرآباد اور 76 افراد سکھر میں ہیں جو ایران سے تفتان کے راستے آئے۔


خیبر پختونخوا کے وزیر صحت تیمور خان جھگڑا نے کہا ہے کہ تفتان سے لائے گئے 19 کو ٹیسٹ کیا گیا جن میں 15 افراد کے ٹیسٹ کا نتیجہ مثبت آیا ہے۔ ان کو ڈیرہ اسماعیل خان میں قائم قرنطینہ میں رکھا گیا ہے۔
بلوچستان میں اب تک کرونا وائرس سے متاثرہ افراد کی تعداد 10 جبکہ پنجاب میں صرف ایک ہے۔

Post a Comment

0 Comments