اٹلی کے آرمی چیف بھی کورونا وائرس میں مبتلا

اٹلی کے آرمی چیف 

ترکش خبر رساں ایجنسی کے مطابق اطالوی چیف آف آرمی اسٹاف جنرل سالواتور فارینا میں کرونا وائرس کی تصدیق ہوگئی ہے، جس کے بعد انہیں ان کے گھر میں ہی قرنطینہ کردیا گیا ہے۔

اٹلی کے آرمی چیف کو کورونا وائرس کی تشخیص ہونے کے بعد جنرل فیڈیریکو بوناٹو نے قائم مقام آرمی چیف کا عہدہ سنبھال لیا ہے۔

یال رہے کہ اٹلی میں اتوار کے روز کرونا وائرس کی وجہ سے 133 ہلاکتیں ہوئی ہیں جس کے باعث مرنے والوں کی مجموعی تعداد 366 ہوگئی ہے۔

ایک ہی دن میں کرونا کے نئے مریضوں کی تعداد میں 25 فیصد اضافہ ہوا ہے اور یہ تعداد 5 ہزار 883 سے بڑھ کر 7 ہزار 375 ہوگئی ہے۔ اٹلی میں تیزی سے کرونا وائرس کے پھیلاﺅ کو روکنے کیلئے حکومت نے ایک کروڑ 60 لاکھ لوگوں کو قرنطینہ کیا ہوا ہے۔